Телото на фудбалерот Кристијан Атсу е пронајдено во урнатините на турскиот град Антакија дванаесет дена по силните земјотреси, пишуваат турските медиуми, повикувајќи се на соопштението на менаџерот Мурат Узунмехмет.
Атсу имаше 31 година и беше играч на турскиот прволигаш Хатајспор.
Иако неколку часа по земјотресот беше објавено дека Атсу е пронајден и хоспитализиран, оваа информација два дена подоцна беше демантирана.
Фудбалерот од Гана беше единствениот стрелец во победата на Хатајспор над Касимпас од 1:0 на само ден пред земјотресот.
Christian Atsu bulundu ve maalesef hayatını kaybetti
— Murat Uzunmehmet (@MuratUzunmehmet) February 18, 2023
Атсу ја започна кариерата како играч на Порто, од каде беше продаден во Челзи. Потоа направи трансфер во Њукасл и таму остана од 2016 до 2021 година. Тој пристигна во Турција на почетокот на оваа сезона. За репрезентацијата на Гана играше 65 пати.
