Легендарната телевизиска водителка, актерка и некогашна „лото-девојка“ Сузана Манчиќ во јавноста е препознатлива по нејзината блескава кариера во медиумите, но малкумина знаат дека таа има сериозно академско образование. Имено, Сузана во фиока ја чува дипломата од Правниот факултет, иако со правото никогаш професионално не се занимавала.
Во искрена исповед во емисијата „На терапија со Славица Ѓукиќ Дејановиќ“, таа се потсети на своето семејно потекло и зошто нејзиниот избор да заплива во естрадните води бил вистински шок за околината:
„Татко ми беше новинар, но перфектно свиреше виолина и пееше, а мајка ми беше сопран. Кај нас во куќата постојано се собираа интелектуалци, актери… Одевме во музеи, театри, се воспитувавме на вистински вредности. Затоа сите беа зачудени кога јас отидов на естрадата“, искрена е Сузана, која признава дека поради бројните естрадни ангажмани малку подоцна ја земала дипломата, но сепак успешно го завршила тешкиот факултет.
Покрај богатата кариера, Манчиќ денес ужива во складен брак со грчкиот бизнисмен Симеон Оцококос, редовно одржувајќи релација меѓу Белград и Грција, а неодамна ја оствари и својата најдрага животна улога, стана баба на малиот Мијат, кого го роди нејзината ќерка Теодора.
