Сузана Манчиќ прослави голем јубилеј – 50 години од својата кариера. Поранешната лото девојка објави фотографија на која позира во елегантен црвен кадифен фустан покрај торта со голем златен број 50.
Најпознатата лото девојка од поранешна Југославија сподели фотографија од прославата на Инстаграм.
„Не, не ми беше роденден, но поминаа 50 години откако беше објавен „Огледалце“, мојот прв музички хит. Имав чест да прославам 50 години од мојата кариера. Половина век прекрасна авантура што продолжува до ден-денес“, напиша таа во објавата.
„Многу работи се зад мене, десет албуми, неколку години игри од Лото, десетици часови шоу програми, музички емисии, утрински програми и неделни попладневни часови, фестивали, ТВ серии… Ви благодарам на сите што верувавте во мене“, додаде таа.
Инаку, Сузана ја започна својата кариера со песната „Огледалце, огледалце“. Подоцна работеше како водителка на забавни емисии, а стана позната по водењето на емисијата Лото. Таа помина четири години вадејќи топчиња од тапанот и стана најпознатата лото девојка.
Манчиќ глумеше и во филмовите „Жика династија“ и „Чао, инспекторе“ и во серијата „Село гори, а баба се насишља“. Таа напиша и две книги.
