По казната со која беше осудена за клевета, принудувајќи ја Амбер Херд да му плати на поранешниот сопруг 10 милиони евра, адвокатите на глумицата поднесеа жалба. Во рок од еден ден, адвокатите на Деп поднесоа контражалба. „Судењето на ужасите“, се чини, ќе има продолжение
Војната меѓу Џони Деп и Амбер Херд продолжува. Адвокатите на актерката официјално поднесоа жалба на казната со која Амбер беше осудена за клевета на нејзиниот поранешен сопруг за познатиот едиторијал објавен во 2018 година во Вашингтон пост, во кој таа го обвини својот поранешен сопруг, без воопшто да го наведе директно, за семејно насилство.
Првата бројка за отштета што требаше да му ја плати Амбер на Деп беше десет милиони евра, но оваа бројка е намалена на околу 8 милиони бидејќи тој ѝ должи два. Актерката, која според нејзиниот адвокат апсолутно не може да плати толкава сума, се жалеше. Следниот ден Деп го направи истиот потег, надевајќи се дека ќе ја поништи пресудата со која треба да ја обештети поранешната сопруга со два милиони. Така, „судењето на ужасите“ во кое и двајцата протагонисти му раскажаа јавно на светот за нивниот брак заснован на насилство, дрога и деградација, ќе има „продолжение“. Што, со оглед на сето она што го видовме и слушнавме во последните месеци, не навестува добро.
Адвокатскиот тим на Амбер (кој неуспешно се обиде да го поништи првото судење со тврдење за измама во составот на поротата) во последните денови веќе ја објасни причината за жалбата: „Сметаме дека судот направи грешки што спречија правична фер пресуда и која не е во согласност со Првиот амандман (оној што ја штити слободата на изразување и говор во Соединетите Држави). Поради ова се жалиме на пресудата“.
Сега дури и адвокатот на ѕвездата, сега познатата Камил Васкез, го прекрши молкот: „Херд инсистира да продолжи со парницата по ова прашање, затоа мораме да го заштитиме интересот на нашиот клиент“, рече аа во разговор со Гејл Кинг, емисија емитувана во четвртокот на CBS Морнинг. Потоа додаде: „Се надеваме само дека судот ќе ја поддржи пресудата (на првото судење, н.з). Затоа што веруваме дека тоа беше вистинската пресуда и ќе им овозможи на двете страни да продолжат напред“.
Адвокатката повтори дека за Деп судењето „никогаш не било прашање на пари. Се работеше за враќање на неговата репутација. Но, Амбер се жалеше. А Васкез, за да ги „заштити интересите“ на својот клиент, имаше само еден начин: „Одговори со друга жалба“. Судењето за ужасите заврши минатиот јуни, но очигледно шестнеделните крвави рочишта беа само почеток.
