Спрската пејачка Маја Николиќ откри дека искеширала 7.000 евра за песната „Жали, срце моје“, со која настапи на Песна за Евровизија 2025, а за истиот музички натпревар во 2026 ќе претстави нова песна со која сака да победи и да ја претставува Србија на Евровизија.
– Двете нови песни чинат многу и јас самата ги платив. Сè инвестирам сама, немам спонзори. За „Жали, срце моје“ платив 7.000 евра на авторите Рале Ратковиќ и Александар Копац. Работам секој петок и сабота. Кога немам, земам кредит како и секој друг нормален човек и ги отплаќам моите песни. Исто така, пеам свадби, прослави, и домашна и странска музика, народни песни – рече Маја Николиќ и откри дека порано настапувала на новогодишни забави за огромен хонорар.
– Хонорарот ми е важен. Пеам на две места и добивам приближно ист хонорар колку што некој добива на едно место. Многу е подобро да се работи и да се биде скромен и да се издржат 35 години како мене. Бев најголемата ѕвезда додека не отидов во Америка. Моите настапи чинеа 10.000 марки, а Нова Година чинеше 50.000 марки. Тоа е притисок што никој не може да го издржи. Работев седум дена во неделата и апсолутно сакав да се оддалечам од сцената. Избирам само места за душата. Естрадата е езеро полно со крокодили – рече Николиќ.
Патем, Маја е убедена дека ќе победи на Песна за Евровизија 2026.
