Брачниот живот e на крајот за Силвестер Сталоне: неговата сопруга Џенифер Флавин поднесе барање за развод по 25 години брак.
Бракот на Силвестер Сталоне и Џенифер Флавин завршува по четвртина век.
Според Tmz, токму Флавин (54) поднелa барање за развод во судот на округот Палм Бич во Флорида. Двојката ја започна својата долга врска во 1988 година, а потоа се венча во 1997 година и има три деца: Софија, 25; Систина, 24 години; и Скарлет, 20.
Во досието презентирано пред судот од жената, може да се прочита дека „бракот е непоправливо нарушен“ и дека Силвестер Сталоне „се занимавал со намерно растурање, исцрпување и/или трошење на брачните средства, што има негативно економско влијание врз брачно наследство“.
Дополнително, Флавин приложила и барање за компензација за да го спречи нејзиниот сопруг да „продава, пренесува, доделува, оптоварува или отуѓува каков било имот додека трае постапката“.
Во меѓувреме, врз основа на досегашните гласини, неколку дена пред официјализирањето на раскинувањето, ѕвездата на Роки ја отсрани тетоважата на неговиот бицепс која го прикажуваше лицето на неговата сопруга и ја покри со ликот на неговото куче Буткус. Во меѓувреме пак, Флавин постираше на инстаграм фотографија на која позира со ќерките проследена со написот – „девојките (мислејќи на ќерките) се мој приоритет“.
View this post on Instagram
