Регионот е обземен од тага откако беше објавено дека одличниот музичар и пејач Масимо Савиќ ја загуби битката за живот. Почина на 61-годишна возраст, според некои медиуми, од рак на бели дробови.
Со емотивни зборови од Савиќ се простуваат бројни колеги. Сите ги споделуваат своите искуства со Савиќ, а имаат едно нешто заедничко – на сите ќе им недостига!
Меѓу оние кои на социјалните мрежи се простија од Масимо е и Марија Шерифовиќ.
– Драг Масимо, беше искрена чест да Ве познавам и со Вас да разговарам за музика. Нека ви е вечна слава, напиша Шерифовиќ.
Нина Бадриќ објави видео од неа и Савиќ снимено од телевизијата ХРТ. Тие заедно го изведоа хитот на Масимо „Странац у ночи“.
– Кога ќе останеш без зборови. Искрено сочувство на семејството. Засекогаш ќе бидеш тука – напиша Бадриќ.
И Тончи Хуљиќ се прости од големиот Савиќ.
– Драг пријателе… – напиша Хуљиќ покрај фотографијата на Масимо на која пејачот е насмеан.
Многумина го паметат токму по таа насмевка.
View this post on Instagram
Пејачот Џибони запали свеќа за својот починат колега.
– Запалив свеќа за нашиот добар Масимо. Прерано, несфатливо прерано… Господ да му ја упокои душата – напиша Џибони на Фејсбук.
Масимо е роден на 6 јули 1962 година во Пула, средно училиште завршил во Загреб каде и ја почнал својата музичка кариера.
