Стотици луѓе се собраа во центарот на Лондон за да ја одбележат годишнината од смртта на Махса Амини, Иранката која почина во притвор минатата година.
Толпата извикуваше „Жени! Животот! Слобода!”.
Денеска слични собири се одржаа во Франција, Италија и Германија.
Смртта на Махса Амини предизвика масовни демонстрации во Иран и ширум светот минатата година.
Девојката беше уапсена од полицијата за морал бидејќи и се гледала коса под шамијата која е задолжителна во Иран.
Махса Амини почина на 16 септември 2022 година, три дена по нејзиното апсење.
Иранските власти се обидоа да спречат продолжување на протестите на годишнината од нејзината смрт.
Нејзиниот татко бил приведен пред неговата куќа откако семејството укажало дека планираат да се соберат на нејзиниот гроб.
Безбедносните сили се засилени во центарот на Техеран и на западот на земјата.
