Режисерот Мартин Скорсезе на средба со папата Франциск во Ватикан ги објави своите планови за снимање филм за Исус, па многумина за оваа негова најава велат дека можно е да е инспирирана токму од папата.
Скорсезе на конференција во Рим изјавил дека бил инспириран да одговори на апелот на понтифот за уметници – „на единствениот начин што јас знам како, замислувајќи и пишувајќи сценарио за филм за Исус. И јас ќе почнам да го правам тоа“.
Пред конференцијата насловена „Глобалната естетика на католичката имагинација“, Скорсезе и неговата сопруга Хелен беа претставени на папата Франциск за време на приватна аудиенција.
Според Variety, Антонио Спадаро – уредникот на периодичното издание што ја организираше конференцијата – извести дека разговорот меѓу папата и режисерот вклучува споделени филмски референци и анегдоти, и дека Скорсезе бил трогнат од апелот „да го видиме Исус. “
