– Продолжува периодот на СТУДЕНО и променливо време со сончеви периоди. Повремено и локално ќе провејува снег. Исто така повремено ќе дува и умерен до засилен ветер од северен правец. Минималните температури насекаде ќе се спуштаат под нулата, и истите понекаде ќе се спуштаат близу -10 степени. Максималните дневни температури пак ќе се искачуваат во интервалот од 1 до 8 степени.
Во Скопје и околината исто така времето ќе биде студено, повремено и ветровито со умерен до засилен ветер од северен правец. Наутро температурите ќе се спуштаат во интервалот помеѓу -3 и -1 степен, додека максималните ќе се искачуваат до околу 5 степени.
Продор на уште постуден воздух од север и уште пониски температури на воздухот барем отсега гледано ќе имаме за време на следниот викенд, но дали ќе има и повеќе снег останува да видиме како ќе се одвиваат работите со нумеричките модели понатаму – вели метеопрогнозерот Славчо Попоски.
