Арнолд Шварценегер во новото издание на магазинот Men’s Health предупреди луѓето да внимаат со земањето стероиди затоа што можат да бидат опасни за здравјето. Тој дури и препорача бодибилдерите сосема да се откажат од нив.
„Земав сто милиграми тестостерон неделно и три дијанаболи дневно, значи 15 милиграми дневно.Стероидите не беа нелегални сè до 1990 година кога Конгресот го усвои Законот за контрола на анаболни стероиди. И ги земав сите лекови за подобрување на перформансите само под медицински надзор. Бодибилдингот секогаш се сметаше за безбеден спорт, но сега не е. Дури и не знам што прават затоа што ги слушаат шарлатаните“, предупредува тој и ги повикува бодибилдерите да останат здрави и целосно да избегнуваат употреба на стероиди.
Не правете го тоа, вели актерот и поранешен градоначалник.
„Секогаш кога ќе го злоупотребите телото, ќе зажалите. Но разбирам дека многу луѓе ќе прашаат кој сум јас да им го кажам тоа“, додаде тој.
