Хаиме дел Бурго бил сопруг на сестрата на шпанската кралица.
Поранешниот зет на кралицата Летиција, кој беше во брак со нејзината сестра Телма, лансираше сензационално тврдење дека имал афера со кралицата откако таа се омажила за кралот на Шпанија. За ова пишува Дејли Мејл.
Шпанскиот бизнисмен Хаиме дел Бурго тврди дека има докази за романсата со шпанската кралица Летиција. Хаиме претходно беше во брак со сестрата на Летиција, Телма Ориц.
Поранешниот зет на кралицата Летиција сензационално тврди дека бил во врска со кралското семејство пред да се ожени со нејзината сестра Телма и сподели досега невидена фотографија како „доказ“ за нивната романса. На фотографијата кралицата позира во неговата бања, а очигледно е дека веќе е бремена од Филипе, кралот на Шпанија.
„Љубов. Го носам твојот шал. Ме прави да се чувствувам како да си до мене. Се грижи за мене. Ме штити. Ги бројам часовите додека повторно се видиме. Те сакам“, пишува во пораката која наводно му ја испратила Летиција на Хаиме.
Портпаролот на шпанското кралско семејство изјави: „Немаме коментар за ова“.
Скандалот излезе во јавност само неколку недели откако Хаиме, кој беше во брак со сестрата на Летиција, Телма, од 2012-2014 година, изнесе низа обвинувања за неговата врска со кралицата за книгата „Летиција и јас“ потпишана од познатиот шпански новинар Хаиме Пењафиел.
Шпанските медиуми пишуваат дека Дел Бурго планирал да ја запроси Летиција, но таа му ги променила плановите кога се изјанила дека излегува со Фелипе, кој во тоа време сè уште бил престолонаследник.
Зборувајќи за El Cierre Digitial, 91-годишниот автор на книгата објасни дека Летиција била „големата љубов“ на Хаиме дел Бурго и дека врската на двојката се претворила во „големо пријателство“ откако таа се впуштила во романтична врска со кралот Фелипе.
