Регионалната музичка ѕвезда Северина Вучковиќ денес го слави својот 54-ти роденден, а судејќи по нејзините објави, славењето е во полн ек веќе неколку дена. Пејачката откри дека роденденската атмосфера започнала уште во саботата, опкружена со најблиските пријатели и семејството.
„Родендените се слават весело и лесно кога имам со кого и кога знам како… Моите пријатели и семејството го слават ‘Севериново’ уште од сабота. Вечерва продолжуваме на најсилно. Им благодарам на сите за прекрасните желби“, напиша Северина во својата емотивна порака.
View this post on Instagram
На фотографиите кои ги сподели на Инстаграм, може да се види празничната торта, а меѓу гостите беа нејзиниот син Александар, внуката Миа Поповиќ, дизајнерката Матија Вуица и многу други долгогодишни соработници.
Северина, која е родена на 21 април 1972 година во Сплит, веќе децении доминира на регионалната поп сцена. Од почетоците во 90-тите со хитовите како „Далматинка“, преку евровизискиот настап со „Моја штикла“, па сè до соработката со Бреговиќ и мега-хитовите како „Италијана“, таа останува една од највлијателните фигури во поп-културата на овие простори.
