Гесин Булок-Прадо ги повика следбениците на социјалнте мрежи да донираат пари на Здружението за АЛС и Општата болница во Масачусетс, кои ја проучуваат оваа ужасна болест.
Американската актерка Сандра Булок ја преживува смртта на нејзиниот сакан партнер, фотографот Брајан Рандал, кој почина на 57 години по борбата со амиотрофична латерална склероза, а во оваа борба ја поддржуваат пријателите и семејството. Особено, сестрата на ѕвездата, Гесин Булок-Прадо, која на социјалните мрежи објави спомен на починатиот со трогателна објава.
View this post on Instagram
„Убедена сум дека Брај го најде најдоброто место за риболов во рајот и веќе ја фрла својата мамка во разбеснетите реки со лосос. АЛС е брутална болест, но има одредена утеха во фактот што тој ги имаше најдобрите чувари во мојата неверојатна сестра и група медицински сестри кои таа ги собра и кои и помогнаа да се грижи за него во нивниот дом. Почивај во мир Брајан“, напиша Гесин на Инстагра, и ги повика следбениците наместо цвеќиња да донираат пари на Здружението за АЛС и Општата болница во Масачусетс.
Веста за смртта на Рандал беше гром од ведро небо за многумина, иако неговите блиски знаеја дека тој се борел со АЛС, дегенеративно заболување на централниот нервен систем, три години пред да почине на 5 август.
View this post on Instagram
Според Здружението АЛС, станува збор за прогресивна невродегенеративна болест која се карактеризира со немилосрден напад на нервните клетки, и во мозокот и во ‘рбетниот мозок. Тоа доведува до катастрофално губење на контролата на мускулите што се влошува со текот на времето. АЛС се карактеризира со прогресивно оштетување на моторните неврони, придружено со парализа (пареза) на екстремитетите и мускулна атрофија. Смртта доаѓа од инфекции на респираторниот тракт или откажување на респираторните мускули.
Во моментов нема лек за оваа болест.
