Пејачката Слаѓана Мандиќ стана позната во 2012 година преку натпреварот „Ѕвездите на Гранд“, а како што откри пред нашите камери, од самиот почеток имала голема поддршка од Лепа Брена и од Саша Поповиќ.
„Брена е вистинска дама и голема личност. Таа беше моја поддршка од самиот почеток. Беше присутна на мојата прва промоција во Белград во 2018 година. Бев нејзин гостин во два нејзини спота, а минатата година бев гостинка на нејзиниот концерт во Тузла. Таа ми е идол, еден од моите идоли, една единствена, најголема. Благодарам за сè и можам само да се угледам на нејзината кариера и да ѝ завидувам во позитивна смисла. Такви кариери веќе нема, но се обидувам да го следам нејзиниот пат и да бидам професионална и сериозна“, откри Слаѓана за српски „Телеграф“.
Таа откри и дека Брена не ѝ подарувала фустани како на некои други колешки, но ѝ давала вредни совети.
Последната порака од Сашa Поповиќ
Слаѓана се присети и на Саша Поповиќ, кој почина во март оваа година, откривајќи ја и последната порака што ѝ ја испратил малку пред смртта.
„Саша, покрај Брена, беше мојата најголема поддршка. Ме пречека срдечно во Гранд, ми даваше совети, сугерираше што да пеам во емисиите, како да се облекувам, ме мотивираше да бидам активна, да се разбудам. Тогаш немаше толку големо значење што мисли жири, туку гласаше публиката. Ми рече дека имам сè потребно за да станам голема ѕвезда и ми посака среќа. Жал ми е што замина прерано“, изјави таа.
Слаѓана додаде:
„Со Сузана се видов последен пат на погребот. Морам да кажам дека се слушнав со Саше малку пред смртта и ми е драго што ме одговори онака во море од пораки. Таа порака ја чувам засекогаш. Му напишав: „Драг директоре, знам колку е тешка и сурова таа болест, но знам дека сте силен. Последната надеж умира и сакам ова да го надминете“, а тој ми одговори само: ’Благодарам моја Слаѓо.‘“
