Австралиската филмска легенда Пол Хоган (83), познат како главен актер во филмот „Крокодил Данди“, мораше да вгради пејсмејкер што значително влијаеше на неговата физичка кондиција.
Актерот поради проблеми со бубрезите морал да користи стероидни лекови кои го направиле уште понемоќен.
„Бев подобар. Имав проблеми со аортата и бубрезите и третманот го реши тоа, но станав многу послаб“, изјави актерот за „A Current Affair“.
Инаку, тој минатата година во едно интервју ги откри сите негови здравствени проблеми со бубрезите.
„Го изгубив целото телесно сало, мускулите ми паднаа и бев многу слаб, но силата ми се враќа“, рече Хоган, додавајќи дека сè уште нема ни грам сало.
Актерот кој се прослави борејќи се со крокодили ја задржа својата завидна форма цели 79 години, но после тоа одеднаш се почна да се менува.
„Има една изрека дека 80 -те години не се за оние со слабо срце бидејќи работите почнуваат да се распаѓаат, но не можам да се пожалам“, додаде Хоган.
Актерот трајно се преселил во САД во 2005 година поради неговиот син Ченс, но неговата желба е да се врати во Австралија.
