Актерката Емануел Дебевер почина на 7 декември, истиот ден кога беше покрената дополнителна истрага за Жерар Депардје, кого го обвини за сексуално насилство.
Дебевер јавно го обвини познатиот актер во 2019 година преку социјалната мрежа Фејсбук, а нејзината смрт покрена многу прашања и предизвика интерес во јавноста.
Според француските медиуми, партнерот на Емануел Дебевер пријавил во полиција дека излегла од куќата и оставила „вознемирувачка порака“. По истрагата на полицијата било откриено дека жената која скокнала од мостот Сена е всушност актерката. Пожарникарите ја извлекле од водата и се обиделе да ја реанимираат, но таа починала во болница на 7 декември.
Обвинителството соопшти дека е покрената истрага за причините за смртта и околностите кои довеле до неа, особено имајќи го предвид фактот дека Дебевер јавно се пожали на недоличното однесување на Жерар Депардје. Оваа ситуација дополнително ги расветлува обвинувањата против Депардје и го наметнува прашањето дали нејзиното самоубиство е поврзано со случајот за кој бруи цел свет.
– Тоа што оваа актерка се пожали на недоличното однесување на Жерар Депардје што беше споменато во тој период во медиумите, особено по објавата на Фејсбук во 2019 година, во согласност со овие елементи, покрената е истрага за причините за смртта и околностите кои довеле до смртта – соопштија од локалното обвинителство.
