Полицијата во источно Сараево го уапсила Н. М. од Пале поради сомнение дека на 11 јануари во Пале, со автомобил „пасат“ повеќепати удрил во задниот дел од возилото „ренџ ровер“, во кое се наоѓале српскиот фолк пејач Аца Лукас и неговиот возач.
Од полициската управа во Источно Сараево соопштиле дека споменатото лице е обвинето за предизвикување општа опасност и оштетување и одземање туѓи работи. Како што се дознава, во автомобилот „ренџ ровер“ била пејачот Аца Лукас.
– Лицето Н. М. се сомничи дека со употреба на моторно возило, односно управувајќи со возило „пасат“, сопственост на правно лице од Пале, на 11 јануари, на делницата од магистралниот пат Љубогошта – Подроманија, општина Пале, повеќепати стапил во контакт со предниот дел од возилото со задниот дел од возилото „ренџ ровер“, сопственост на правно лице од Подгорица, во кое се наоѓале возачот Ј. Ј. и лицето А. В. државјанин на Србија. Споменатиот на овој начин предизвикал кај лицата во „ренџ роверот“ чувство на загрозеност, како и оштетување на возилото – се вели во официјалното полициско соопштение.
