Саша Мирковиќ веќе неколку дена е во јавноста поради конфликтот со Ана Николиќ. Прекинот на соработката, како и валканиот веш кој со денови го тресе регионот, предизвика хаос меѓу колегите и јавноста.
Николиќ во неколку наврати се закануваше дека ќе поднесе тужба поради одредени обвинувања, а видеото од нејзиното изобличено лице ги згрози сите, поради што Саша Мирковиќ беше ставен на столбот на срамот.
Во споменатото видео пејачката му се обраќа и моли за помош бидејќи во џебот има само 100 динари.
По осудите и шпекулациите, нејзиниот поранешен продуцент и менаџер се огласи и напиша:
Сите ме прашуваат зошто дозволив да се објави снимката на Ана. Еве јас да одговорам. Затоа што некој треба да стави крај на нејзината лудост и бандата наркомани околу неа. Семејството мора да ја смести во психијатриска установа на лекување и да не дозволува луѓето да се потсмеваат на нејзината состојба на социјалните мрежи. Таа е сериозно болна жена и сите ја гледаме и никој ништо не презема. Еве јас презедов, бидејќи не сакам да молчам за тоа. Се работи и за чувањето на нејзиното дете – напиша Саша и продолжи:
– А Раста го знае ова и мора да направи нешто, бидејќи мало девојче не може да расте во таква средина, опкружено со наркомани кои ја чуваат и ја забавуваат, или да ја гледа мајка ѝ како се тркала по подот и прави глупости со изобличено лице. Па затоа објавив, и ако мислите дека поради тоа не сум човек, според мене сум голем човек – напиша Мирковиќ.
