Моли Хурвиц, поранешната вереница на Метју Пери, се огласи по веста дека актерот почина минатата сабота во Лос Анџелес.
Таа зборуваше за нивната врска, колку тој бил брилијантен и какви биле нивните заеднички моменти.
Метју Пери и агентката за литература Моли Хурвиц беа во врска од 2018 до 2021 година.
„Посакувам светот да зборува за тоа колку е талентиран. И навистина беше многу талентиран. Иако го сакав поинтензивно отколку што можев да разберам, тој беше комплициран и предизвика болка каква што никогаш порано не сум почувствувала. Никој немаше подлабоко влијание врз мене како возрасна од Метју Пери. Многу сум благодарна за тоа, за се што научив од нашата врска“ – напиша таа на Инстаграм.
Се сети како во 2021 година заедно гледале специјална емисија за „Пријатели“ на HBO, додека гледајќи сцени од серијата, тој рече: „Еба*ти, бев толку добар!!!.. Погледни што направив таму?“.
– Ја премотувавме и ги проучувавме сцените. Нашата почит и ценењето на хуморот беше нешто што нè поврза. Да се биде со него додека тој повторно ја откриваше неговата брилијантност беше магично. Мети, олеснување ми е што си во мир. Со почит“, Мол-о-Рама (измислен лик).
Метју Пери, од кого синоќа се простија пријателите и колегите од „Пријатели“, е пронајден мртов во џакузито на неговиот имот во Лос Анџелес, постои сомневање дека се удавил, истрагата е во тек.
Во 2020 година, актерот се сврши со Моли, за која рече дека е најубавата жена на Земјата. Тие раскинаа во 2021 година. Како што рече, „понекогаш работите едноставно не функционираат“.
