Претходно овој месец беше потврдено дека Ким Катрал тајно снимила сцена за претстојната втора сезона на HBO „And Just Like That…“, продолжението на „Сексот и градот“, откако претходно тврдеше дека никогаш нема да се врати во улогата на Саманта Џонс.
Според странските медиуми, во серијата ќе ја видиме Кери Бредшо како телефонски разговара со Саманта, како дел од последната епизода која ќе служи како „тизер“ за третата сезона, иако се уште не е официјално потврдена.
– Мислам дека понекогаш навистина имате пријатели во животот кои се многу различни од вас. И мислам дека тоа е прекрасно, нели? И мислам дека тоа е она што беше најважно во односот на нас четири, зашто очигледно Шарлот имаше навистина поинаква перспектива од Саманта, Кери и Миранда, рече Сара Џесика Паркер, и додава – „Само милиме дека, знаете, би било забавно обожавателите да ја имаат барем малку Саманта, зашто знаеме дека им недостига, а таа е супер лик“.
Втората сезона на серијата „And Just Like That…“ ќе се емитува на 22 јуни на платформата ХБО Макс, а истиот ден ќе искочат само две епизоди.
