Поранешната членка на групата „Харикејн“, Ксенија Кнежевиќ, неодамна се сврши со својот долгогодишен партнер Никола Тодоровиќ – Тодор, а веќе излегоа и првите детали за свадбата што со нетрпение ја очекува јавноста.
Таткото на Ксенија, познатиот пејач Ненад Кнежевиќ – Кнез, откри дека венчавката е планирана за месец мај, а според српските медиуми, прославата ќе биде голема и раскошна. Имено, нејзиниот иден сопруг потекнува од имуќно семејство и, како што се наведува, не планира да штеди кога станува збор за овој важен настан.
Иако многумина очекуваа Ксенија да се одлучи за интимна и скромна свадба, пејачката сепак посакала бајковито венчавање со голем број гости. Никола има куќа во Црна Гора, каде што парот често престојува, додека нивниот заеднички дом моментално е во белградската населба Врачар.
Сепак, свадбата ќе се одржи во Белград, со цел да биде полесно достапна за поголемиот дел од гостите, пренесува магазинот „Скандал“.
Познато е и дека Никола Тодоровиќ е успешен бизнисмен – неговиот татко е адвокат, а самиот Никола е сувласник на синџир бургер-ресторани во Белград, со повеќе локации низ градот. Љубовта кон гастрономијата, како што наведуваат медиумите, е една од неговите најголеми пасии.
Ксенија неодамна на социјалните мрежи го покажа и вереничкиот прстен, објавувајќи фотографија од романтичното запросување на Санторини. Објавата веднаш предизвика лавина честитки и позитивни реакции од нејзините следбеници.
Свадбата на ќерката на Ненад Кнежевиќ Кнез, според најавите, ќе биде еден од најгламурозните естрадни настани оваа година.
