Карлеуша тврди дека Ријана го ископирала нејзиниот настап од 2017 година, кога со Аца Лукас ја извела песната „Банкина“.
– Не е поентата овде копирањето, ова е доказ дека секогаш сме пред нив. Дека можеме, ако сакаме, да не парираме туку да водиме. Ова не е прв пат, туку 101-ви пат големите богати и моќни всушност да доцнат. Тоа што сме од Србија не значи дека не можеме да ги диктираме правилата.
Таа додаде дека нејзината желба со албумот кој ќе излезе наскоро е глобално позиционирање. Јелена верува дека може да докаже дека некој од мала земја може да ја „размрда“ планетата кога е шоу-бизнисот во прашање.
– Секогаш ми велеа дека згрешив што кариерата не ја градев во Америка и на англиски јазик, дека губев години во земја која нема сила да произведе светска шоубиз ѕвезда поради јазикот, националноста и географската положба. Рекоа дека можам само да сонувам, да фантазирам, дека сум луда, ми се смееја… Никогаш не се откажав од намерата и нема.
Таа верува дека по пауза од 11 години, нејзиниот 11-ти албум по ред го носи бројот 11:11, магичен и ангелски број.
– Бројот на ангелите. Број на големи успеси, голем пресврт… 11:11… Затоа што имам ангел чувар – заврши Карлеуша на Инстаграм.
