Раперот Пи Диди (53) го користел синглот на Стинг од 1983 година Every Breath You Take во неговата песна од 1997 година I’ll Be Missing You без дозвола и сега му плаќа 5.000 долари дневно.
Diddy says he pays Sting $5,000 per day for sampling ‘Every Breath You Take’ without his permission https://t.co/bMoCYDLVVu
— philip lewis (@Phil_Lewis_) April 6, 2023
Раперот реши да ја открие точната вредност на готовинските плаќања откако на интернет се појави интервјуто на Стинг за The Breakfast Club во 2018 година, каде тој изјави дека добива 2 илјади долари дневно од Пи Диди.
„Љубов за мојот брат Стинг“, додаде уметникот во твитот.
Во едно интервју, 71-годишниот музичар сподели дека му била побарана дозвола за користење на синглот дури откако бил објавен.
„Сега сме многу добри пријатели. Тоа беше прекрасна верзија на таа песна“, изјави Стинг.
Песната I’ll Be Missing You беше искажана почит на американскиот рапер Ноториус Биг, кој почина во 1997 година на 24-годишна возраст. Фејт Еванс, неговата поранешна сопруга, го придружуваше Диди заедно со бендот 112. По објавувањето, песната беше на врвот на Билборд хот 100 листата и му донесе награди на Диди на Билборд музичките награди во 1997 година за најдобар рап изведувач и најдобра рап песна.
View this post on Instagram
