Рускиот претседател Владимир Путин ги повика руските енергетски компании да се подготват за ембаргото за нафта содржано во пакетот санкции на ЕУ.
„Пред некој ден, како што знаете, Европската унија воведе уште еден пакет санкции против Русија со ембаргото за нафта. Националните компании веќе se подготвени за оваа одлука “, рече Путин на состанокот со членовите на владата, а пренесува Риа Новости.
Путин објасни и дека доколку Западот и особено Европа одат понатаму на патот на санкциите против Русија, ќе има „катастрофални последици“ за глобалниот енергетски пазар. Владимир Путин заканите до Западот ги упати на емисија емитувана на руската телевизија.
„Знаеме дека Европејците се обидуваат да ги заменат руските енергетски ресурси – рече тој – но очекуваме дека резултатот од овие активности ќе биде зголемување на цените на гасот на пазарот и зголемување на цената на енергијата за потрошувачите“.
„Ова уште еднаш докажува дека санкциите кон Русија предизвикуваат многу поголема штета на земјите што ги воведуваат – додаде рускиот претседател – Понатамошната употреба на санкциите може да доведе до уште потешки, без претерување, дури и катастрофални последици за пазарот за глобална енергија“.
Во меѓувреме, портпаролот на Кремљ, Дмитриј Песков, го повтори она што завчера го кажа Путин, кој го предизвика Западот со изјавата дека „сè уште не сме почнале ништо сериозно“ во Украина. „Потенцијалот на Русија е толку голем што само мал дел беше искористен за специјалната операција“, рече Песков.
