Пукање пред вилата на раперот Дрејк: Застрелан член од неговото обезбедување

Член од обезбедувањето на Дрејк е тешко повреден при пукање пред вилата на раперот во Торонто, пишува „Дејли мејл“.

Инцидентот се случил во луксузниот кварт Бридл Пате, нешто по 2 часот по полноќ. Еден маж е пронајден тешко повреден на улица и итно е пренесен во болница.

Не е јасно дали раперот бил дома, иако странските медиуми пренесуваат дека наводно тој не бил присутен за време на инцидентот. Осомничениот со автомобил побегнал од местото и сè уште е во бегство.

Извори за „Торонто Сан“ потврдиле дека жртвата на пукањето бил чуварот на Дрејк, а очевидците го опишале инцидентот како „пукање во минување со автомобил“.

Областа околу вилата е под полициски надзор.

Инаку, пукањето се случило во периодот кога трае судирот меѓу Дрејк и раперот Кендрик Ламар.

Расправијата започна кога Ламар се нафрли на канадскиот рапер и Џеј Кол во неговата песна „First Person Shooter“. Додека Кол се откажа од расправијата, Дрејк продолжи да се кара со Ламар и двајцата разменуваа навреди во текот на целата недела. Во песните Дрејк го обвинува Ламар за семејно насилство, а Ламар тврди дека Дрејк има „тајна ќерка“ која ја крие од јавноста.