Андријана Алачки за првпат се отвори за своето семејство и раскажа приказна за зетот Игор и снаата Емилија и за тоа во каква релација е со нив.
Пејачката и водителка на емисиите „Везилка“ и „Вкусот на традицијата“ гостуваше во емисијата „Фактор среќа“ која ја води Ирена Спировска и зборуваше за тоа што е за неа среќа, па го спомена зетот Игор Димовски познат по проектот „Пауза за ракија“ и снаата Емилија.
-Главниот фактор за мојата животна среќа се само моите деца и нивните семејства. Затоа што, гледајќи ги нив, веќе се возрасни Грациела и Благоја, со свои деца, со свои семејства, гледајќи ги нив кај мене среќата не се дуплира, туку милион пати се дуплира.
Јас ги доживувам нивните среќи, нивните радости, тоа ме одржува во живот. Затоа што наутро кога ќе станам, без да ги слушнам на телефон дека се добри, дека сѐ е во ред мојот ден не може да започне. Потоа, нашите гледачи се развојот на мојата среќа, затоа што сум секојдневно со нив,
Среќна ме направија родендените на мојата внука постара Јана, мојот помал внук Јован, успесите на мојата снаа Емилија, мојот зет Игор, на моите деца.
Мене тоа ми создава една таква сликовита бајка, за да можам тоа да ги апсорбирам и да добијам една таква енергија и да ги правам среќни и другите луѓе околу мене. И тоа е фактор среќа- рече Адријана Алачки во емисијата „Фактор среќа“.
