Ким Кардашијан е позната по наклонетоста кон раскош и претерување, а ниту оваа празнична сезона не е исклучок. Таа својата вила, чија вредност се проценува на околу 60 милиони долари, ја претвори во вистинска зимска бајка, украсувајќи ја со најмалку 50 новогодишни елки, од кои секоја наводно чини околу 10.000 долари.
View this post on Instagram
45-годишната ријалити ѕвезда на Инстаграм сподели видео од импресивната глетка. Огромни елки, покриени со вештачки снег и украсени со илјадници бели светилки, го исполнуваат пространиот влезен хол и дневната соба.
„Ова е она на што се враќам дома“, тивко изјави Кардашијан во видеото, додека во позадина се слуша класична музика од пијано.
„Не можам ни да ви опишам како мириса ова и какво чувство создава. Навистина е лудо“, додаде таа, покажувајќи долг ходник исполнет со уште повеќе елки.
Иако Ким била воодушевена од декорацијата, нејзината објава предизвика бран негативни реакции на социјалните мрежи, особено на Редит, каде многумина не беа импресионирани од празничниот амбиент.
„‘Магија’ не е зборот со кој би опишал куќа што изгледа како магацин за елки на распродажба“, напиша еден корисник.
„Личи на привремена продавница за новогодишни елки во трговски центар“, додаде друг.
Трет коментар беше уште поостар: „Нејзината куќа е топла отприлика колку мртовечница.“
Ова не е првпат Ким Кардашијан да претерува со празничните украси. Зимскиот, снежен амбиент во вилата таа неодамна го искористи и за фотографирање на новата зимска колекција на нејзиниот моден бренд „Скимс“ (SKIMS).
Пред неколку години, Ким заедно со својата ќерка Норт на новогодишната елка закачуваше банкноти од 100 долари, а видеото го споделија на нивниот заеднички профил на Тикток. Во 2021 година, таа откри и дека ангажирала пијанист кој секое утро во текот на декември свирел новогодишни мелодии за да ги разбуди нејзините деца.
„Добро утро! Секое утро во декември @philthekeys доаѓа да свири новогодишна музика на пијано за да ги разбуди децата“, напиша тогаш Кардашијан.
