Поранешната девојка на раперот Тимати, руската топ моделка и бизнисменка Анастасија Решетова застана во одбрана на љубовницата на Жерар Пике, со која фудбалерот ја изневеруваше пејачката Шакира.
Решетова го сподели своето мислење со своите следбеници на социјалните мрежи, кои ги има над 2 милиони, и предизвика лавина коментари.
Имено, Шакира објави песна во која наводно го навредува своето поранешно момче Жерар Пике и неговата нова девојка, 23-годишната студентка Клара Чиа Марти, со која ја изневерувал.
„Вредам за две 22-годишници. Замени Ферари за Рено Твинго. Го замени Ролексот за Касио“- испраќа двосмислена порака Шакира но новата песна која веднаш стана хит.
Анастасија Решетова реши да застане во одбрана на љубовницата на дефанзивецот на Барселона.
„Искрено не разбирам зошто повеќето од нападите во оваа песна се упатени кон девојката. Сепак, таа не положи заклетва пред олтарот на верноста и вечната љубов “, рече поранешната девојка на Тимати.
На страната на Решетова застана и руската новинарка Алена Водонаева, напаѓајќи ја Шакира со зборовите – „Вие сте ѕвезда од светска класа, жена од категорија А, и со кого се ставате на исто ниво? За што? Што ви требаше? “, коментираше таа.
