Кочани погодено од СИЛНО НЕВРЕМЕ и ПОПЛАВУВАЊА. Овој македонски град, како и повеќе места низ државава во текот на изминатите часови беа зафатени од голема влажна и нестабилна воздушна маса од Медитеранот, истата услови поројни врнежи од дожд, силен ветер, електрични празнења и локална појава на град. Локално овие процеси беа во форма на НЕВРЕМЕ.
Големо невреме имаше и во Крива Паланка, токму во овој македонски град за релативно кратко време наврнаа дури 46 литри дожд.
Под влијание на циклонот од Средоземјето, се до крајот на оваа седмница времето во Македонија ќе биде МНОГУ НЕСТАБИЛНО и со честа појава на пороен дожд, грмежи и засилен ветер. Локално ќе има појава на ИЗРАЗЕНО НЕВРЕМЕ, проследено со интензивен пороен дожд, ГОЛЕМО количество на воден талог за кратко време, силен ветер, електрични празнења и со појава на град.
Токму поради ова, АПЕЛИРАМЕ граѓаните да бидат КРАЈНО ПРЕТПАЗЛИВИ, како и да не претстојуваат на отворен простор и под осамени дрвја во случај на појава на електрични празнења. Дури е можно и излевање на некои од реките низ Македонија, особено оние помалите.
Локално до самиот крај на оваа седмица ќе наврне ГОЛЕМО количество на воден талог (над 60/70 л.м2). Постои опасност од нови локални и големи поројни поплави и штети.
Во Скопскиот регион исто така ќе има честа појава на пороен дожд, грмежи и засилен ветер. Во делови од котлината исто така е можна појава на НЕВРЕМЕ и поплавувања.
Температурите на воздухот нема многу да се менуваат и речиси насекаде ќе бидат над 20 степени, а во најтоплите централни и југоисточни предели тие повремено ќе достигнуваат и до 28 степени- вели метеопрогнозерот Славчо Попоски.
За нови, детални и по потреба обновени метео информации, следете го официјалниот фејсбук профил на Славчо Попоски тука!
