Тој на оваа функција беше назначен пред 10 дена.
Давиде Рене (46), кој ја презеде должноста креативен директор на модната марка Москино на 1 ноември, трагично почина во Милано.
Причината за смртта е срцев удар.
„Нема зборови со кои може да се опише болката што ја чувствуваме во овој драматичен момент. Давиде ни се придружи пред само неколку дена кога ненадејна болест прерано го однесе од нас. Сè уште не можеме да веруваме што се случи“ – рече претседателот на Аефе, Масимо Ферети. Тој додаде дека Рене беше „сакан и почитуван“ и жали што штотуку почнал да работи на оваа функција во модната куќа, полн со амбиции, ентузијазам и оптимизам за иднината.
Роден во Тоскана, Давиде Рене требаше да ја прикаже својата прва колекција на Москино во февруари за време на Миланската модна недела. Од 1999 до 2003 година работеше со Алесандро Дел Аква, во 2003 година стана креативен директор на Руфо, а една година подоцна се пресели во тимот на Гучи.
