Топ моделот Ванда Нара се огласи на социјалните мрежи првпат откако беше објавено дека таа боледува од леукемија.
„Во четвртокот своеволно одлучив да ја напуштам болницата за да тестирањата се завршат во специјализирана клиника. Како и сите мајки, се обидов да ги скријам своите стравови и анксиозноста од децата, особено затоа што немам точна дијагноза. За жал, тие во петокот видоа дека новинар ја објавил дијагнозата која ја немам“, изјавила Ванда.
Таа додала дека нејзините деца дознаваат сè од неа и дека ова не требало да биде исклучок. Сепак, молчела затоа што сè уште ништо не е потврдено.
„Му благодарам на семејството, сите пријатели и вам кои ми пружате љубов. Веќе сум дома, ги чекам дополнителните наоди и ги слушам советите од професионалци. Ќе ја чувам приватноста, особено поради тоа што сакам да ги заштитам своите деца“, напишала водителката на социјалните мрежи.
View this post on Instagram
