Сопругата на Петар Грашо, Хана Хуљиќ денеска се породила во Сплит и родила девојче.
Петар во март годинава се ожени со својата избраничка Хана, а сега нивниот дом стана побогат за еден член, пишуваат хрватските медиуми.
Претходно во медиумите беше објавено дека брачната двојка избрала име за девојчето и дека ќе се вика Алба.
Грашо никогаш не сакал да изнесува детали за својот приватен живот во јавноста, а неодамна призна дека оваа медиумска популарност не му се допаѓа откако се дозна дека е во врска со Хана.
-Јас и Хана си го живееме животот пристојно, приватните детали не ги споделуваме со јавноста, а тоа веројатно уште повеќе ги мотивира медиумите кои се желни за сензации. Забавно ни е како всушност станавме медиумска мета, а не помрднавме ни прст за тоа. Воопшто не се оптоваруваме, не забавуваат сите тие написи и насловни страници со бомбастични наслови и тенка содржина. Најмногу не насмеа веста дека станавме хрватски „Меган и Хари“ – рече Грашо и истакна.
– Секогаш ми беше важно да не ги заморувам луѓето со неважни ситници и музиката да биде единственото нешто што ги интересира поврзано со мене, а и Хана е слична личност. И покрај тоа, ние сме во сосема спротивни ситуации. Медиумите се тука да пишуваат, ние сме тука да живееме и тоа е круг кој постојано се врти – изјави претходно Петар Грашо за хрватските медиуми.
