Млада девојка од Германија ги воодушеви корисниците на социјалните мрежи со својата интерпретација на големиот хит на Лепа Бренa, „Окречеш ми леѓа“. Нејзиното видео на Инстаграм собра стотици илјади прегледи и ја воодушеви и публиката и самата пејачка.
На видеото се гледа како девојката со голема емоција ја отпеа песната, а во описот напиша дека иако не е од Балканот, музиката на Бренa ја инспирира. Нејзиниот изговор на српските зборови, природниот талент и емоционалниот израз во гласот предизвикаа бројни позитивни реакции од следбениците:
„Ова е доказ дека музиката нема граници“, „Совршен избор, секоја чест“, „Брена би била горда“, „Колку е убаво“.
И самата Лепа Брена не го криеше воодушевувањето, во коментарите остави црвено срце и емотикони со срца во очи, што јасно покажува колку ѝ се допадна изведбата.
Во кратко време видеото собра повеќе од 38.000 лајкови, а го погледнаа скоро 740.000 луѓе. Девојката на Инстаграм се претставува како „etsallove“, активно се занимава со пеење, живее во Германија и изучува хрватски јазик, што дополнително ги изненади и воодушеви следбениците, покажувајќи ја нејзината љубов кон регионалната култура и музика.
