Марија Шерифовиќ направи осврт на годината што изминува, која, како што вели, ѝ донела и убави и тешки моменти. И покрај сè, на крајот од секој ден, вели дека најважно е да се каже – „благодарам“.
Најголема радост и смисла во нејзиниот живот денес е синот Марио, додека најцврстата поддршка и потпора ѝ е мајката Верица Шерифовиќ. МСинот Марио е нејзината секојдневна авантура, а деновите со него се динамични и исполнети.
„Тој е неверојатно весел, неустрашлив и полн со енергија. Љубезен, но и безобразен – никој не може да му се налути“, раскажува Марија, додавајќи дека токму тоа ќе биде најголемиот предизвик во неговото воспитување. „Мислам дека ќе има многу проблеми, затоа што е пресладок и премногу шармантен.“
Таа открива дека секој ден со Марио е авантура, а дури и во авион ѝ било кажано дека има „многу активно бебе“. И покрај сè, со насмевка истакнува дека Бог и ангелите го чуваат.
Кога станува збор за воспитувањето, Марија смета дека најважна е златната средина – ниту престрога, ниту премногу попустлива. „Децата се различни и секое бара свој пристап. Само не сум за ‘gentle parenting’ – да го прашувам дете од седум години што мисли и чувствува.“
Посебна улога во животот на Марио има и мајката на Марија, Верица Шерифовиќ, која таа ја опишува како исклучително пожртвувана баба и најголема поддршка во секојдневието.
