Легендарната југословенска поп-рок пејачка Драгана Шариќ, попозната како Беби Дол, со години е целосно повлечена од јавноста и според наводите на медиумите живее во тешка материјална ситуација. Сепак, поранешните соседи од зградата каде што таа живеела како потстанар со својот партнер изнесоа нови и шокантни детали за нејзиниот секојдневен живот.
Според сведочењата на станарите, пејачката морала да го напушти станот под притисок на сопственичката:
„Таа повеќе не живее тука. Беше во нашата зграда, но направи вистински хаос со животните и сопственичката ја исфрли“, изјавил еден од соседите.
Други сограѓани со кои стапиле во контакт новинарите наведуваат дека нејзиниот животен пат со години е обележан со турбуленции, додавајќи дека нејзината покојна мајка со години се мачела обидувајќи се да ѝ помогне и да ја извлече од финансиските проблеми преку продажба на семејниот имот.
И покрај приказните дека е на работ на егзистенцијата, некои од локалните жители на Чубура се сеќаваат на неа со симпатии, опишувајќи ја како топла и културна личност од периодот кога доаѓала со мајка ѝ и со партнерот.
