Романсата на парот стана позната во есента 2023 година, кога неколку пати беа забележани на романтични средби.
48-годишниот холивудски актер Бредли Купер купил куќа во близина на семејната фарма на коњи на неговата девојка Џиџи Хадид (28) во Пенсилванија. За ова пишува Page Six.
Ѕвездата на филмското платно и супермоделката со палестинско потекло ја започнаа својата романса во октомври 2023 година, откако наводно биле запознаени од поранешната љубов на Бредли, Ирина Шајк (37).
Извор изјави за „Пејџ сикс“ дека актерот, кој и самиот е роден во Пенсилванија, неодамна купил дом во округот Бакс. Не е далеку од фармата на мајката на Џиџи, Јоланда Хадид. Куќата на Бредли е вредна 4 милиони долари и се наоѓа во Њу Хоуп, град со помалку од 3.000 жители.
View this post on Instagram
Мајката на Џиџи се преселила на ранчот во 2017 година. Џиџи пак, за време на ковид-пандемијата помина голем дел од времето токму тука, на живописната локација, и таму, наводно, ја родила својата тригодишна ќерка Хеј, дете од врската со пејачот Зејн Малик.
