По бурниот развод од српскиот пејач Харис Џиновиќ, модната дизајнерка Мелина Џиновиќ е сè уште во центарот на вниманието на јавноста, пишува српски „Курир“.
Иако во последните месеци се шпекулираше дека е подготвена повторно да застане на лудиот камен, како што тврдат локалните медиуми, засега нема ништо од свадбата.
Според извори блиски до модната дизајнерка, по разводот, Мелина успеала вешто да го скрие својот емотивен живот од очите на јавноста. За разлика од периодот кога често се појавувала со Харис на јавни настани и црвени теписи, сега внимателно избира кога и каде ќе се појави, но и со кого.
Мелина наводно е во врска со успешен бизнисмен од Британија кој не е дел од јавната сцена, па затоа за него се знае мошне малку.
– Од свадбата нема ништо. Нема да има свадба ниту голема прослава. Вистина е дека Мелина има сериозен партнер и дека е среќна со него. Тој ѝ обезбедува стабилност, сигурност и луксуз на кои е навикната. Благодарение на него, таа живее без грижи, патува и ужива, но тоа не значи дека планира брак – рекол изворот.
Шпекулациите за наводната венчавка, според истите тврдења, дошле од нејзиниот круг на пријатели.
Сепак, приказната има и друга димензија. Како што се наведува, односот меѓу Мелина и Харис по разводот не останал пријателски. Јавното презентирање детали од нивниот приватен живот, кои дошле од страната на Харис, наводно дополнително ја погодило.
– Јасно е дека не останаа во добри односи. На Мелина ѝ пречеше што некои работи беа изнесени во јавноста. На некој начин, таа сакаше да покаже дека продолжила понатаму и дека е среќна. Приказната за бракот можеби била начин да му испрати порака на пејачот, да го изнервира – вели соговорничката, која тврди дека е добро упатена во настаните.
Во меѓувреме, креаторката се посветила целосно на својата работа. Луксузните патувања, вечерите во ексклузивни ресторани и дискретните појавувања на приватни настани само ги поттикнале гласините дека ужива во врска со богат партнер.
Сепак, оние кои добро ја познаваат тврдат дека Мелина не е жена која лесно донесува одлуки кога станува збор за брак. По долгиот брак и турбулентниот развод, таа наводно е попретпазлива од кога било.
– Таа сега сака мир. Не сака медиумска помпа, ниту спектакуларни свадби под рефлектори. Ако некогаш одлучи повторно да се ожени, тоа ќе биде тивко и подалеку од очите на јавноста – тврди изворот.
