Водителката Николина Пишек на социјалните мрежи сподели видео од несекојдневен и хуман потег со кој накратко запре сообраќај во Загреб за да спаси еж што се нашол на патот.
Таа откри дека заедно со уште едно лице забележале еж на улица во населбата Врапче, по што решиле веднаш да реагираат и да го пренесат на безбедно место, на тревник покрај патот.
„Овој еж го спасивме од патот во Врапче. Го запревме сообраќајот, малку ни свиреа и негодуваа, но ежот сега е колку-толку безбеден“, напиша Николина во објавата на Инстаграм.
Водителката ја искористи ситуацијата и за да упати апел до своите следбеници да бидат повнимателни кон ежовите во овој период од годината.
Таа објасни дека мај е сезона на парење кај ежовите, поради што тие се многу поактивни и често излегуваат на улиците и патиштата, каде голем број од нив страдаат под тркалата на автомобилите.
„Мај е сезона на парење, ежовите се многу активни и често може да се видат на патиштата, а многу од нив и гинат. Застанете, префрлете ги на безбедно место, затоа што некаде во некое дувло сигурно ги чекаат бебиња. А тие без нив не можат“, порача Николина.
Нејзината објава предизвика бројни позитивни реакции на социјалните мрежи, а многумина ја пофалија за хуманоста и грижата за животните.
