Ненси Пелоси нема повторно да се кандидира за лидер на Демократската партија. Најавата доаѓа лично од неа, спикерката на Претставничкиот дом, ден по освојувањето на мнозинството во Долниот дом на Конгресот од страна на републиканците:
„Ќе продолжам да ги претставувам граѓаните на Сан Франциско во Конгресот, но немам намера повторно да се кандидира за лидерска функција“, рече Ненси Пелоси.
„Американската демократија е величествена, но кревка“, рече таа во говорот пред Долниот дом. „Кршливост на која многумина од нас трагично беа сведоци, токму во оваа зграда“, рече Пелоси, потсетувајќи на нападот врз Капитол на 6 јануари 2021 година, по победата на Џо Бајден на претседателските избори во 2020 година.
„Тоа е храмот на нашата демократија, нашиот Устав и нашите идеали: сите што служеа таму се посветени да и служат на земјата и да ја продолжат работата на оние што ни претходеа“, заклучи таа.
