Полицијата во Њујорк ја истражува мистериозната смрт на албанскиот актер и неговата сопруга, кои паднале од шести кат од зграда и истражува дали можеби имало знаци на борба.
Албанскиот актер Флоринд Белиу (35) и неговата сопруга Орнела Шехи (28) во саботата околу 9 часот биле пронајдени мртви во дворот на зграда во Бронкс. Соседите велат дека го слушнале плачот на нивните два сина, едниот двегодипен, другиот шестгодишен, а локален извор за Њујорк пост изјавил дека Орнела паднала прва, а неколку секунди подоцна и нејзиниот сопруг.
Во станот наводно не била пронајдена проштална порака, а додека се чекаат резултатите од обдукцијата, полицијата истражува дали можеби имало знаци на борба пред кобниот пад. Откако неколку соседи го опишале актерот како „бесен човек“, кој „се држеше за себе“, полициски извор за Пост изјавил дека мажот можеби боледувал од ментално растројство.
The man who plunged from his Bronx building to his death, along with his wife, was aspiring actor and screenwriter Florind Belliu from Albania, neighbors and friends of the tragic couple said Sunday.https://t.co/c8eEYYEiwB
— New York Daily News (@NYDailyNews) August 7, 2022
„Во станот постојат знаци кои покажуваат дека не било се во хармонија, како да не одлучиле само да ги остават децата и да скокнат“, велат од полицијата.
Соседите исто така истакнале дека Флоринд тој кобен ден го прославувал својот роденден, а парот го опишале како тивок и повлечен. Инаку, парот пред четири месеци се вселил во нов стан со двете деца, а полицијата не добила пријави за семејно насилство.
Актерот дипломирал на Универзитетот во Тирана, настапувал на телевизија и во театар пред да се пресели во САД. Во интервјуто кое го дал пред две години, тој открил дека работи на две книги и филмско сценарио кои сака да ги претстави на Нетфликс.
