Пејачката Мина Костиќ, која веќе неколку недели е на лекување во психијатриската установа „Д-р Лаза Лазаревиќ“, денеска се соочила со неочекувани компликации. Иако нејзиното официјално отпуштање од болницата се очекувало утрово, поради ненадејни проблеми во системот, таа не е пуштена дома, пишува српски „Курир“.
Во овој момент е сосема непознато дали отпустот од болницата ќе се случи според првичниот план, бидејќи дошло до голем пад на информацискиот систем, па е невозможно да се завршат сите потребни административни процедури.
Да потсетиме, јавноста беше изненадена кога фолк ѕвездата беше примена во клиниката на 31 мај, и тоа во придружба на полицијата, откако покажала агресивно однесување.
Штом дознал за нејзината хоспитализација, нејзиниот избраник, Мане Ќурувија Каспер, следниот ден итно дошол од Америка во Белград. Тој секој ден ја посетува својата свршеница, а во болницата дошле и нејзиниот брат и сестра. Веста за нејзиното задржување на лекување крена огромна прашина, а бројни колеги ѝ испратија јавна поддршка со желби за брзо закрепнување, додека бројни обожаватели се со неа.
Неодамна, пред да се соочи со актуелниот здравствен проблем, Мина отворено проговорила за исклучително тешкиот животен период низ кој минувала.
„Ми беше многу тешко, мислев дека ќе умрам. Ѝ реков на Дуди: „Дали сакаш да ме закопаш жива?“
Во својата шокантна исповед, пејачката откри дека во тие моменти немала соодветна поддршка од блиските луѓе и дека била сурово искористена:
„Одев на настапи во таква состојба, а Дуда тогаш не правеше ништо. Само Бог ми помогна. Нема многу за што да се зборува, едноставно ме искористуваа и тоа е тоа. Ме натера да се чувствувам лошо, и здравствено и финансиски, како и љубовно“, истакна тогаш.
