Тијана Дапчевиќ објави лична приказна за својата сестра Тамара Тодевска. Тијана долги години живее во Белград, а Тамара во Скопје, но двете пејачки се постојано во контакт како да живеат во ист град.
Тијана всушност споделила духовит цитат, во кој ја означила нејзината сестра: „Некогаш разговорот со сестра ти е сета терапија која ти треба, а некогаш ти треба терапија по разговорот со неа“, стои во инстаграм-приказната на Тијана.
Како гостинка во емисијата „Не е лесно да се биде јас“, Тијана Дапчевиќ пред неколку месеци отворено зборуваше за борбата со вишокот килограми.
-На почетокот на кариерата бев многу послаба отколку сега. Одамна сфатив дека музиката се гледа повеќе отколку што се слуша. Моите маки никој не ги знае. Можам да напишам книга за исхрана, а не за диета. Кога ќе кажете диета, мозокот веднаш ви се блокира и мислите само на храна – изјави Тијана за „Гранд“.
