Поранешната сопруга на Харис Џиновиќ, Мелина, решила од корен да си го промени животот, па вовела „ембарго“ на дружењето со слободни пријателки, за да не ѝ го преземат новиот партнер.
Мелина Арнолд, порано Галиќ и во јавноста позната како Мелина Џиновиќ, новиот живот со сопругот милионер Џефри Пол Арнолд не сака да го крие само од јавноста, туку и од блиските пријателки со кои до вчера ги делела и доброто и лошото.
Поранешната сопруга на музичката ѕвезда Харис Џиновиќ внимателно избира со кои пријателки ќе го запознае својот избраник. Дури, повеќето од најблиските пријателки не ги ни поканила на прославата, со цел да не ги воведе во кругот на богатите. За разлика од периодот кога била во брак со Џиновиќ, Мелина сега избира поинаков пристап – дискреција и строга контрола врз тоа кој има пристап до нејзиниот приватен живот. Извори блиски до дизајнерката тврдат дека таа повеќе од кога било внимава кому му верува, особено кога станува збор за запознавање на новиот партнер со луѓе од нејзиното опкружување.
Наводно, Мелина не сакала нејзиниот нов живот да стане тема на јавни разговори, ниту предмет на љубопитност дури ни меѓу најблиските. Според извори од нејзиниот круг, многу жени кои со години биле дел од нејзиниот живот не добиле покана за свадбената церемонија, која минатата недела се одржала на релација Монако – Портофино. Овој потег изненадил многумина.
„Две-три блиски пријателки биле на прослава кај Мелина и нејзиниот нов избраник. Една од причините за ваквото однесување е тоа што таа не сака нејзиниот партнер, кој доаѓа од светот на висок бизнис и луксуз, да воспостави блиски контакти со нејзините пријателки. Многу е внимателна. Свесна е дека некои се дружат со неа за да се доближат до повисоката класа. Затоа се дистанцира од дел од луѓето од минатото, со кои седела по белградските кафулиња и кои ѝ биле поддршка во тешките моменти“, вели извор близок до настанот.
Поранешната сопруга на еден од најпознатите пејачи во регионот сега е фокусирана на новиот живот, но, како што се наведува, со некои потези го провоцирала и својот поранешен сопруг.
Свадбената вечера со новиот сопруг ја организирала на локација што има посебно значење за неа и Харис. Станува збор за ресторан сместен меѓу Монако и Ница, во близина на место каде што порано заедно престојувале за време на патувањата на Азурниот Брег.
Обидите да се стапи во контакт со Мелина биле неуспешни, бидејќи таа го променила телефонскиот број.
Од друга страна, Харис Џиновиќ кусо изјави дека не сака да го коментира нејзиниот нов живот.
