Сања Савеска објави искрена исповед за годината што измина, за сите лоши и убави нешта кои ѝ се случиле.
-Благодарна сум ти Боже за сѐ што ми даде, како и за сè што тргна од мене, за да ме подготвиш за тоа што следи.
Благодарам што ги слушна моите молитви и ме сочува кога мислев дека нема спас. Благодарам за силата што ми ја даваш и што ме учиш на трпение и верба.
Благодарна сум за секое ново утро – за гужвата во ходникот кога се пречекувме и испраќаме, за полната трпеза, зафатените столици околу масата и галамата во топлиот дом, за разбирањето и поддршката.
Благодарна сум за здравјето, кое често го земаме здраво за готово. Благодарна сум и за лекциите кои ме кршеа, но не ме скршија. За искрените луѓе кои се со мене.
Благодарна за овој Божиќ, полн со љубов, топлина и разбирање. За многу години празникот!
Христос се роди. Честит Божиќ- напиша водителката на „Брза кујна“ на Фејсбук, а многумина ќе се сложат дека ова е нејзината најискрена објава досега.
