Марина Дојчиновска, познатата новинарка и партнерка на музичарот Горан Алачки ѝ се врати на својата стара љубов.
Тоа е телевизијата, според она што таа го објави на социјалните мрежи. Марина споделила фотографија од ТВ „Сонце“ од која порано беше дел и напиша: „Гледајте нè на ТВ ‘Сонце’, почнуваме за некоја минута“.
Марина не откри дали таа е гостинка или домаќин во студиото, но еден од коментарите под оваа објава привлече внимание.
„Старите патеки на вечноста“, напишал до објавата Горан Алачки, а Марина Дојчиновска му вратила со коментар, емотикон срце.
Марина Дојчиновска во една прилика рече дека во 2012 година ја основала својата компанија „Хунза Веда“ со една единствена цел – да се донесе маслото од Хималаите до Скопје.
– Со Горан си ги разубавуваме животите еден со друг. Се сретнавме двајца страсни светски патувачи, меѓу две патувања во Скопје. Потоа продолживме патувањата да ги планираме заедно и да ги споделуваме убавините на живеењето што ги носат зрелите години.
Едно големо НЗС е нашата година на раѓање – генерација 1965, тоа носи генерациски сличности во резоните и погледот кон светот. Добро е кога на наши години ќе се сретнат двајца луѓе кои точно знаат што сакаат, реализирани во сите важни животни сфери, со расчистени сметки и платени фактури кон минатото – рече во една прилика за „Слободен печат“ Марина.
