Марија Шерифовиќ, како што пренесуваат српските медиуми, била одлично расположена кога пристигнала да ја снима новата сезона на натпреварувањето „Ѕвездите на Гранд“.
Таа пред медиумите го коментирала инцидентот што се случи во август, кога Шерифовиќ го открила неверството на својата девојка и дивееше на сред улица во Белград.
„Не можам да кажам дека се каам. Дека ми е жал што разбудив некого, да. Но би рекла и дека сите вие овде сте луѓе од крв и месо, имате души, органи, емоции, па некој тоа го изразува на овој или оној начин. Дали е соодветно, секако не, но никогаш не би менувала ниту еден од моите најискрени движења или потези за нешто неискрено, лажно. Тоа сум јас, тоа е тоа“, изјави Шерифовиќ, која уште еднаш им се извини на оние што ги разбудила, како и на својот автомобил“, пренесува Нова.рс.
Да потсетиме, извор за српските медиуми кон крајот на август ги соопшти деталите.
„Конфликтот настанал поради класична љубомора. Марија била со пријателката и партнерката во својот автомобил. Се било во ред до моментот кога партнерката и го признала неверството. Тогаш Шерифовиќ полудела. Изгубила контрола, го запрела возилото за да избегне да направи сообраќајна несреќа“.
Претходно за српските медиуми призна: „Иако тоа не е ничија работа, добив една приватно лоша информација. Единствена на кого треба да му се извинам е мојот автомобил и сите што можеби сум ги разбудила“.
(ВИДЕО) Скандал во центарот на Белград: Марија Шерифовиќ пцуела и удирала во автомобил среде улица
