Путин е долго време на чело на Русија, го познава својот народ. Згреши што ја нападна Украина. Можно ли е враќање на преговарачка маса со Путин? Мислам дека сè уште е можно“, изјави францускиот претседател, Емануел Макрон, во интервју за „Еј-би-си“.
Во интервјуто, Макрон зборуваше за неговата посета на Вашингтон и за зајакнувањето на Франција како најстар сојузник на САД, особено за време на војната меѓу Русија и Украина. Новинарoт го праша Макрон за неговата визија за успешни мировни преговори.
„Добриот мир не е мир што двете страни нема да го прифатат на среден и долг рок“, коментира францускиот претседател.
„Мислам дека претседателот Путин направи голема грешка со започнувањето на оваа војна“, рече Макрон.
„Имаше политички и дипломатски процес во кој беше вклучена меѓународната заедница. И тој одлучи сам, врз основа на лажен наратив, велејќи дека НАТО ќе ја искористи Украина за да ја нападне Русија, што е сосема погрешно“, рече Макрон.
Новинарот го праша Макрон дали човек кој е способен да донесе таква погрешна одлука е способен да преговара за мир.
„Тоа е прашањето, сепак, се надевам дека Путин ќе биде рационален во преговорите за ставање крај на војната“, одговори Макрон.
