Пејачката Наташа Беквалац често знае да се пошегува на своја сметка поради трите пропаднати бракови што ги има зад себе, а како што тврди, веќе со години нема маж покрај себе.
И членовите на нејзиното семејство знаат да се пошегуваат на сметка на нејзиниот љубовен живот, а нејзината мајка, Мира Беквалац, во една прилика истакнала дека не би ја поддржала ќерка си доколку посака да се омажи по четврти пат.
– Ма, нема шанси да се омажи, ќе ја убијам. Би се откажала од неа ако се омажи по четврти пат. Мислам дека нема, доволно помина за да сфати дека не е жена за брак. Таа жена не е за брак, луѓе. Таа е за да биде сама, со своите деца, со работа, ако некој се вклопи – добро, ако не – пак добро. Таа не трпи форма, не трпи клише. Таа прави како што сака, а во брак мора да има правила на однесување. Не сака обврски, не сака некој постојано да е тука во станот, туку сама си го прилагодува и животот и децата и работата и сите нас – рекла Мира, која тогаш се вклучила во емисијата „Амиџи шоу“, каде што Наташа била гостинка.
Таа тогаш не ја поштедила ќерка си, па јавно открила и што најмногу ѝ замерува.
– Ѝ замерувам за тие халтери, сака да се разголува, градите да ги покажува, задникот да го покажува, а нема потреба. Луѓето веќе доволно виделе, повеќе од 20 години е на сцена и постојано тоа го гледаат, ајде да видат нешто ново. Песната сакам да ѝ ја пофалам, за облекувањето секогаш имам некоја забелешка, понекогаш и за пеењето, но таа вели дека така треба – кога веќе е снимено, тоа е тоа, но имам право да си го кажам мислењето – вели таа и открива како Наташа реагира на критики:
– Таа не прифаќа критика, знае да се сврти и да си замине, а ме прашува – кога веќе ме прашуваш, јас ќе ти кажам. Ѝ кажувам што не ми се допаѓа како гледачка, но и како мајка. Не сакам кога е провокативно облечена, но таа вели дека така мора.
