Интервјуто на Меган Маркл, објавено во магазинот The Cut, предизвика бес на социјалните мрежи. Корисниците на Твитер ја критикуваа војвотката од Сасекс за новите коментари за британското кралско семејство и сметаат дека е смешно што таа повлекува паралели меѓу себе и Нелсон Мандела, пишува Дејли мејл.
Имено, Меган рече дека кога се родил нејзиниот син Арчи во 2019 година, во Јужна Африка луѓето „танцуваа на улиците“, како во времето кога „Мандела беше ослободен од затвор“.
„Дури и според стандардите на Маркл, ова е неверојатно самобендисано, неискрено, лицемерно и го навредува кралското семејство. Како се осмелува да ја користи титулата за да продолжи да ја клевети институцијата што и ја дала? прашува новинарот Пирс Морган.
Корисниците на социјалните мрежи му се придружија во критиките – „Ова е неверојатно. Меган Маркл се споредува себеси со Мандела. Без свесност“, напиша еден корисник.
А потоа следуваа и прашања „зошто Меган Маркл сè уште ја носи титулата војвотка?“
„Ако Меган Маркл толку многу го мрази кралското семејство, зошто сè уште ја користи титулата војвотката од Сасекс? Таа е најлажната, најнепријатната личност на светот“, напиша новинарката Луси Бурџ.
Во интервјуто за списанието The Cut, Меган Маркл, исто така, вети дека ќе отвори нов профил на Инстаграм и раскажа како таа и Хари ја избрале куќата во Монтесито.
(Фото) Што сè изнакажа Меган Маркл во интервјуто за The Cut: „Пак ќе отворам профил на Инстаграм“
